DITAELO
Pampiri e, e arogantswe ka dikarolo di le THARO e leng A, B le C.
KAROLO YA A: Tlhamo. 
KAROLO YA B: Ditlhangwa tse dileele tsa tirisano gammogo le ditlhangwa tse di dirisang mekgwa e e farologaneng ya tlhaeletsano. (30 )
KAROLO YA C: Ditlhangwa tse dikhutshwane tsa tirisano/tshupetso/ tshedimosetso/pono/gammogo le ditlhangwa tse di dirisang mekgwa e e farologaneng ya tlhaeletsano. 
Baithuti ba tshwanetse go araba potso e le NNGWE go tswa mo karolong nngwe le nngwe.
Karolo nngwe le nngwe e simololwe mo tsebeng e ntšhwa mme kwa bokhutlong jwa karabo moithuti a thalele.
Tlogela mola mo magareng a dikarolo tsa gago.
Kwala sentle ka mokwalo o o buisegang.
Tlhokomela mopeleto le popego ya dipolelo.
Baithuti ba tla abelwa maduo a go dira lenaneo la thulaganyo, go tsereganya le go buisa tiro ya bona pele ba araba dipotso.
KAROLO YA A: TLHAMO
POTSO 1
Kwala tlhamo ya boleele jwa mafoko a a ka nnang 400 - 450 ka NNGWE fela ya ditlhogo kgotsa ditshwantsho tse di neilweng. Fa o dirisa setshwantsho go kwala tlhamo, o neele setlhogo.
Leba setshwantsho se se fa tlase, se se farologanyang mokgwa wa go ruta wa maloba le wa segompieno. Anela mme o bontshe maikutlo a gago mabapi le sona.
Mmampodi, MR Phuroe le ba bangwe 50
KGOTSA
Itlhome o le mokwadi yo o tshelang mo dingwageng tse di 20 tse di tlang. Kwala tlhamo e e tlhalosang botshelo mo lefatsheng ka ngwaga wa 2029.
KGOTSA
Go dumelela baithuti ba ba imileng mo dikolong go siame. Dumela kgotsa o ganetse setlhogo, mme o neele mabaka a a utlwalang.
KGOTSA
Fa nka nna Ratoropo wa motse wa gaetsho.
KGOTSA
Khutsana ke e e se nang mmaayo.
KGOTSA
Ditiragalo tsa maloba di nnile le seabe mo matshelong a rona. Kwala tlhamo ka ga tiragalo nngwe e e fetileng,mme o bontshe ka fa e nnileng le seabe ka teng mo matshelong a rona.
PALOGOTLHE YA KAROLO YA A:
KAROLO YA B: DITLHANGWA TSE DILEELE TSA TIRISANO
POTSO 2
Araba potso e le NNGWE fela mo karolong e. Karabo e nne boleele jwa mafoko a a ka nnang 180 - 200 (diteng fela).
Sekaseka setshwantsho se se latelang, mme morago o kwalele Tona ya Lefapha la Pharakano lekwalo gore go tokafadiwe maemo a bapalami ba dithekisi ba iphitlhelang ba le mo go ona.
KGOTSA
Palo ya baithuti ba ba gogang diritibatsi mo sekolong sa lona e thiba letsatsi. Jaaka o le moeteledipele wa baithuti o kopilwe ke mogokgo go ema baithuti ka lefoko mabapi le se se renang mo sekolong. Kwala puo e o tla neelanang ka yona go baithuti.
KGOTSA
O mokwaledi wa mokgatlho wa bašwa mo tikologong ya gaeno. Kwala lenaneotema le metsotso ya kopano ya mokgatlho wa bašwa e e neng e tshwerwe fa gautshwane mabapi le go kokoanyetsa dikhutsana tse batsadi ba tsona ba gaitsweng ke bolwetse jwa lebolelamading madi a sekolo, diaparo le dijo.
KGOTSA
Lefapha la Setso le Botaki mo kgaolong ya lona le phasaladitse tiro e ka yona le eletsang go thapa motho yo o ka tlang go simolola lefelo la kgodiso ya ditso tse di farologaneng, go lebilwe meaparo, meetlo le meano ya tsona. Go ya ka ditlhokego tse di tlhagisitsweng o lemogile fa o le maleba mo tirong e. Kwala lekwaloikitsiso (maikao) la gago, mme o ba romelele lona fa o ikopela tiro e.
PALOGOTLHE YA KAROLO YA B:
KAROLO YA C: DITLHANGWA TSE DIKHUTSHWANE TSA TIRISANO.
POTSO 3
Araba potso e le NNGWE fela mo karolong e. Karabo e nne boleele jwa mafoko a a ka nnang 100 - 120.
Leba setshwantsho se se latelang, mme o kwale bukatsatsi e mo go yona o tlhagisang se se neng se diragala mo malatsing a le matlhano a loeto lwa lona lwa kwa Kapa.
KGOTSA
Wena le ditsala tsa gago le ipopile ngatana, mme le simolotse kgwebopotlana ya go tlhatswa dikoloi tsa barutisi mo sekolong sa lona. Kwala kitsiso e e tla phasaladiwang (flyer) e mo go yona o itsiseng barutisi le go ba gogela mo go diriseng kgwebo ya lona.
KGOTSA
Morago ga go rola tiro, rre rraago o ne a reka setsha kwa go nngwe ya dipolase tse di mo tikologong ya gaeno. Ke keletso ya gago gore tsala ya gago ya bonyana e go jele nala ka malatsi a dipogiso tsa Morena, mme ga a itse kwa le fudugetseng teng. Fana ka tshedimosetso ya tsela e e tla mo kgontshang go fitlha kwa polaseng ya gaeno.
PALOGOTLHE YA KAROLO YA C:
PALOGOTLHE:
